ХӨТӨЛБӨРИЙН ТУХАЙ

Сурагч солилцооны хөтөлбөр нь дэлхийн 2-р дайнаас хойш их өргөн дэлгэрсэн бөгөөд, АНУ-ын Төрийн Департмент 1968 оноос эхлэн дунд сургуулын сурагч солилцооны хөтөлбөрийг хэрэгжүүлсээр байна. Нийт 55 улс орон энэ хөтөлбөрт хамрагддаг бөгөөд одоогоор 94,000 гаруй сурагчид энэ хөтөлбөрт хамрагдаад байна.Уг хөтөлбөрийн гол зорилго нь сурагчдыг олон орны соёл, заншил, боловсролоос суралцан, өөрийгөө нээх, бие даах боломжыг олгох юм.

АНУ-ын Төрийн Департмент нь солилцооны сурагч (J-1) ангиллын тусгай визэнд хамруулан хөтөлбөрийг зохион байгуулах эрх бүхий байгууллагуудар дамжуулан сурагчдыг эх орондоо хүлээн авдаг юм.

Манай байгууллага энэхүү эрх бүхий байгууллагуудтай хамтран ажиллан Монголынхоо сурагчдыг энэхүү соёлын солилцооны гайхалтай хөтөлбөрт хамруулж байгаадаа баяртай байна.

ХӨТӨЛБӨРТ ХАМРАГДАХЫН АЧ ХОЛБОГДОЛ

·         Хямд зардлаар суралцдаг

·         Англи хэлийг орчинд нь сайн эзэмшдэг

·         Хүүхдийн бие даах төлөвшилд сайнаар нөлөөлдөг

·         Олон улсын олон найз нөхөдтэй болдог

·         Хэлэлцүүлэг илтгэл тавигддаг учир үзэл бодлоо иилэрхийлэх, шийдвэр гаргах гээд хувь хүний хөгжилд сайнаар нөлөөлдөг

·         Хичээлийн бус цагаар дуртай спорт, урлагийн клубт хамрагдах боломжтой

·         Шаардлага хангасан нөхцөлд дунд сургуулийн дипломтой төгсөх боломжтой

АНУ-д тэтгэлэг аван суралцах АНХНЫ АЛХАМ

ТАВИГДАХ ШААРДЛАГА

·         15-18 насны ахлах ангийн сурагч байх

·         Дундаас дээш түвшний хэлний мэдлэгтэй байх

·         Дүнгийн голч 80% ба түүнээс дээш

·         Шинэ орчин нөхцөлд дасан зохицох, бие даах чадвар

·         Өөрийгөө хөгжүүлэх, суралцах, ахин дэвших эрмэлзлэлтэй байх

·         Монгол улсаа сурталчилах хүсэлтэй.

·         Нээлттэй зан чанартай

ТА ӨӨРИЙН ХҮҮ/ОХИНДОО САНАА ЗОВЖ БАЙНА УУ?

АНУ-ын Засгийн газрын тусгай зөвшөөрөлтэй байгууллагууд солилцооны оюутан хүлээн авах хүсэлтэй зочин айлуудыг олон өндөр шаардлагаар шалган авдаг.

            Зөвхөн АНУ-ын дундаж орлоготой, ямар ч асуудлад орж байгаагүй мөн тухайн сурагчид амьдрах өрөө болон тав тухтай орчинг бүрдүүлж, өөрийн хүүхдийн адил хандан, хооллож, хүмүүжлийн асуудалд анхааран, өөрсдийн соёлыг ойлгоход өдөр тутам дэмжиж чадах гэр бүлүүдийг шалган авдаг.Мөн бүсийн төлөөлөгч, зохицуулагч, зөвлөх нар 24 цагийн турш хүүхдийн төлөө ажилладаг.